Мадриднинг “Реал” клуби президенти Флорентино Перес ҳимоячи Марселонинг кетиши муносабати билан хайрлашув матбуот анжуманида бразилияликни дунёнинг энг яхши қанот ҳимоячиси деб атади.

“Сиз 546 та ўйин ўтказдингиз, 38 та гол урдингиз, сиз жаҳон футболи тарихидаги энг яхши ҳимоячилардан бирисиз. Биз “мадридликлар” ҳар бир ўйинда чин кўнгилдан ўйнаганингиз учун сиздан миннатдормиз. Бу сизни ноёб ўйинчига айлантирди, шунингдек, сизнинг майдондаги хатти-ҳаракатларингиз жамоага катта муваффақиятларга эришиш учун зарур эди", - деди Перес матбуот анжуманида.

Марсело баҳорда "Реал" билан шартномасини узайтирмаслигини ва жамоани эркин агент сифатида тарк этишини эълон қилганди.