Мюнхеннинг “Бавария” клуби “Ливерпуль” билан ҳужумчи Садио Маненинг трансфери борасида музокаралар олиб бормоқда.
Bild хабарига кўра, немис топ-клуби мерсисайдликлар учун яна бир таклиф тайёрламоқда. Бундеслига чемпиони бонус сифатида 35 миллион евро ва беш миллион тўлашга тайёр. Бу таклиф инглиз гигантининг молиявий эҳтиёжларини қондира олади. Тез орада томонлар ўртасидаги келишув эълон қилиниши мумкин.
Сенегалликнинг "қизиллар" билан шартномаси 2023 йилнинг ўрталарига қадар тузилган. Ўтган мавсумда у 34 ўйинда 16 та гол урган.