Мюнхеннинг "Бавария" клуби "Севилья" ҳимоячиси Жюл Кундега қизиқиш билдирмоқда.
Журналист Руди Галеттининг ёзишича, немис клуби 23 ёшли футболчини сотиб олиш учун “Челси” билан рақобатлашишга тайёр.
Олдинроқ Лондон клуби франциялик ҳимоячи учун 50 миллион евро тўлашга тайёрлиги хабар қилинганди.
Футболчининг "Севилья" билан амалдаги шартномаси 2024 йилгача мўлжалланган.
2021/22 йилги мавсумда Кунде барча мусобақаларда 44 та ўйинда майдонга тушиб, 3 та гол урди ва 1 та голли узатмани амалга оширди.