Мамлакатимизда ўтказилаётган футбол бўйича U23 Осиё кубогида финал йўлланмасини қўлга киритган дастлабки жамоа номи маълум бўлди. Австралия ва Саудия Арабистони жамоалари ўртасидаги баҳсда Арабистон ярим ороли вакиллари устун келишди.

Учрашувнинг 20-дақиқасида Холид Ал Эйса ҳисобни очди. Орадан кўп ўтмай австралияликлар ўйинчиси қизил карточка олиб, жамоасини мураккаб вазиятга солиб қўйди. Иккинчи таймда асосан қарши ҳужумда ҳаракат қилган араблар 72-дақиқада юзага келган вазиятдан унумли фойдаланиб, орадаги фарқни иккитага етказиб олишди.

Ўйинга қўшиб берилган дақиқаларда ҳакам ҳар икки дарвоза томон пенальти белгилади. Дарвозабонлар эса зарбаларни қайтаришга муваффақ бўлишди.

Шу тариқа, 2:0 ҳисобида ғалаба қозонган Саудия Арабистони U23 жамоаси кетма-кет иккинчи бор мазкур мусобақада финал йўлланмасига сазовор бўлмоқда. Эслатиб ўтамиз, иккинчи финалчи номини бугун 21:00 да бошланадиган Ўзбекистон ва Япония жамоалари ўртасидаги баҳсдан сўнг бўлиб оламиз.

U23 Осиё кубоги, ярим финал
АВСТРАЛИЯ - САУДИЯ АРАБИСТОНИ - 0:2 (0:1)
Голлар: Ҳуссайн Исо (20), Айман Яҳё (72)
Ноаниқ пенальтилар: Нажжарайн (90+9, дарвозабон) — Абдулла Радиф (90+11, дарвозабон)
Четлатиш: Рич (39)