Mamlakatimizda o‘tkazilayotgan futbol bo‘yicha U23 Osiyo kubogida final yo‘llanmasini qo‘lga kiritgan dastlabki jamoa nomi ma’lum bo‘ldi. Avstraliya va Saudiya Arabistoni jamoalari o‘rtasidagi bahsda Arabiston yarim oroli vakillari ustun kelishdi.
Uchrashuvning 20-daqiqasida Xolid Al Eysa hisobni ochdi. Oradan ko‘p o‘tmay avstraliyaliklar o‘yinchisi qizil kartochka olib, jamoasini murakkab vaziyatga solib qo‘ydi. Ikkinchi taymda asosan qarshi hujumda harakat qilgan arablar 72-daqiqada yuzaga kelgan vaziyatdan unumli foydalanib, oradagi farqni ikkitaga yetkazib olishdi.
O‘yinga qo‘shib berilgan daqiqalarda hakam har ikki darvoza tomon penalti belgiladi. Darvozabonlar esa zarbalarni qaytarishga muvaffaq bo‘lishdi.
Shu tariqa, 2:0 hisobida g‘alaba qozongan Saudiya Arabistoni U23 jamoasi ketma-ket ikkinchi bor mazkur musobaqada final yo‘llanmasiga sazovor bo‘lmoqda. Eslatib o‘tamiz, ikkinchi finalchi nomini bugun 21:00 da boshlanadigan O‘zbekiston va Yaponiya jamoalari o‘rtasidagi bahsdan so‘ng bo‘lib olamiz.
U23 Osiyo kubogi, yarim final
AVSTRALIYA - SAUDIYA ARABISTONI - 0:2 (0:1)
Gollar: Hussayn Iso (20), Ayman Yahyo (72)
Noaniq penaltilar: Najjarayn (90+9, darvozabon) — Abdulla Radif (90+11, darvozabon)
Chetlatish: Rich (39)
