Ўзбекистон U-23 терма жамоаси бош мураббийи Тимур Кападзе Японияга қарши бўлиб ўтган ўйин (2:0) борасида ўз фикрлари билан ўртоқлашди.

— Ҳаммани ғалаба билан табриклайман. Қийин ўйинга яхши тайёргарлик кўрдик. Болплар бугун Японияга ҳеч қандай имконият қолдирмай ғалаба қозонишди. Уларга катта раҳмат. Мухлислар билан ўйнаганимиизда янада яхшироқ бўлар эди. Мақсадимиз юқори. Ўз уйимизда ғаалаба қозонишимиз шарт эди.

Бундай ўйинларда 1-2 вазият хал қилади. Биринчи бўлимда бизда 1 та вазият бўлган бўлса, Японияда деярли имкон бўлмади. Бизда вазиятлар бўлишини билар эдик, шулардан фойдаланган ҳолда ғалаба қозондик.

— Сиз бугунги ўйинни "Пахтакор" стадионида ўйнашни хоҳлаганингиз ростми?
— Албатта, нафақат финал, балки ярим финални ҳам "Пахтакор"да ўтказилишини истардик. "Бунёдкор"да майдоннинг ҳолати ҳам, ҳавонинг димлиги ҳам болаларга анча қийинчилик туғдирган. Агар "Пахтакор" стадионида ўйнаганимизда бу каби камчиликлар бўлмас эди деб ўйлайман. Афсуски, ОФК талаблари қатъий. Менимча, финал ҳам "Бунёдкор" стадионида бўлади. Айниқса, "Пахтакор"даги ўтган сафарги тартибсизликлардан сўнг.

Финалда эканлигимиздан хурсандмиз. Саудиянинг ҳам, ўзимизнинг ҳам кучимизни биламиз. Насиб бўлса, баҳсга яхши тайёргарлик кўриб, ушбу турнирда ғалаба қозонамиз. Ёшларимиз бу турнирда ғалаба қозонган, умид қиламиз бу ёшларимиз ҳам буни уддалайди.

— Финалда саудиялик футболчиларнинг провакация қилиши мумкинлигига қандай қарайсиз?
— Болаларга Ироққа қарши ўйиндан сўнг яхши тушунтирдим. Турли провакацияларга учмаслик кераклигини. Саудия билан бир неча мусобақаларда тўқнаш келдик. Умид қиламиз ғалаба қозонамиз.

— Мухлисларсиз ўйиннинг фойдали томони бўлдими?
— Биринчи навбатда турнир аввалидан футболчиларга тушунтиришга ҳаракат қилдим. Стадионга келаётган футболчилар бизга эмас, рақибга босим қилишади. Умид қиламанки, улар буни тушунишди. Бугунги ўйнда мухлисларни йўқлигини ягона фойда тарафи — футболчилар мени яхши эшитишди ва кўрсатмаларга амал қилишди (кулади).

— Достон Турсунов мажубрий алмаштирилдими?
— Менимча унда ҳаммаси яхши, яна текширув ўтказамиз. Унинг оёқ томири тортишиб қолган бўлиши мумкин. Албатта ҳамма футболчиларни тиклаш жараёни бугундан, хозирдан бошланди. Олдимизда муҳим ўйин бор. Барча футболчилар соғ ҳолатда ушбу баҳсга етиб боради, деган умиддамиз.