O‘zbekiston U-23 terma jamoasi bosh murabbiyi Timur Kapadze Yaponiyaga qarshi bo‘lib o‘tgan o‘yin (2:0) borasida o‘z fikrlari bilan o‘rtoqlashdi.

— Hammani g‘alaba bilan tabriklayman. Qiyin o‘yinga yaxshi tayyorgarlik ko‘rdik. Bolplar bugun Yaponiyaga hech qanday imkoniyat qoldirmay g‘alaba qozonishdi. Ularga katta rahmat. Muxlislar bilan o‘ynaganimiizda yanada yaxshiroq bo‘lar edi. Maqsadimiz yuqori. O‘z uyimizda g‘aalaba qozonishimiz shart edi.

Bunday o‘yinlarda 1-2 vaziyat xal qiladi. Birinchi bo‘limda bizda 1 ta vaziyat bo‘lgan bo‘lsa, Yaponiyada deyarli imkon bo‘lmadi. Bizda vaziyatlar bo‘lishini bilar edik, shulardan foydalangan holda g‘alaba qozondik.

— Siz bugungi o‘yinni "Paxtakor" stadionida o‘ynashni xohlaganingiz rostmi?
— Albatta, nafaqat final, balki yarim finalni ham "Paxtakor"da o‘tkazilishini istardik. "Bunyodkor"da maydonning holati ham, havoning dimligi ham bolalarga ancha qiyinchilik tug‘dirgan. Agar "Paxtakor" stadionida o‘ynaganimizda bu kabi kamchiliklar bo‘lmas edi deb o‘ylayman. Afsuski, OFK talablari qat’iy. Menimcha, final ham "Bunyodkor" stadionida bo‘ladi. Ayniqsa, "Paxtakor"dagi o‘tgan safargi tartibsizliklardan so‘ng.

Finalda ekanligimizdan xursandmiz. Saudiyaning ham, o‘zimizning ham kuchimizni bilamiz. Nasib bo‘lsa, bahsga yaxshi tayyorgarlik ko‘rib, ushbu turnirda g‘alaba qozonamiz. Yoshlarimiz bu turnirda g‘alaba qozongan, umid qilamiz bu yoshlarimiz ham buni uddalaydi.

— Finalda saudiyalik futbolchilarning provakasiya qilishi mumkinligiga qanday qaraysiz?
— Bolalarga Iroqqa qarshi o‘yindan so‘ng yaxshi tushuntirdim. Turli provakasiyalarga uchmaslik kerakligini. Saudiya bilan bir necha musobaqalarda to‘qnash keldik. Umid qilamiz g‘alaba qozonamiz.

— Muxlislarsiz o‘yinning foydali tomoni bo‘ldimi?
— Birinchi navbatda turnir avvalidan futbolchilarga tushuntirishga harakat qildim. Stadionga kelayotgan futbolchilar bizga emas, raqibga bosim qilishadi. Umid qilamanki, ular buni tushunishdi. Bugungi o‘ynda muxlislarni yo‘qligini yagona foyda tarafi — futbolchilar meni yaxshi eshitishdi va ko‘rsatmalarga amal qilishdi (kuladi).

— Doston Tursunov majubriy almashtirildimi?
— Menimcha unda hammasi yaxshi, yana tekshiruv o‘tkazamiz. Uning oyoq tomiri tortishib qolgan bo‘lishi mumkin. Albatta hamma futbolchilarni tiklash jarayoni bugundan, xozirdan boshlandi. Oldimizda muhim o‘yin bor. Barcha futbolchilar sog‘ holatda ushbu bahsga yetib boradi, degan umiddamiz.