“Вульверхэмптон” ҳимоячиси Ромен Саисс фаолиятини Туркияда давом эттиради. Марокаш терма жамоаси сардори инглиз клубидаги 6 йиллик фаолиятидан сўнг, эркин агент бўлиб жамоани тарк этди.
Журналист Фабрицио Романонинг хабар беришича, 32 ёшли марокашлик футболчи “Бешиктош” билан 2024 йилнинг июнигача шартнома имзолаган. Чоршанба куни эрталаб тиббий кўрикдан сўнг келишув якунланди.
Саисс ўтган мавсумда барча турнирларда 32 та ўйинда майдонга тушиб, 3 та гол урган.













