"Милан" ҳужумчиси Рафаэль Леау "россонерилар"нинг шартномани узайтириш ҳақидаги биринчи таклифини рад этди, деб хабар беради La Stampa.
Манбага кўра, клуб 23 ёшли португалиялик футболчига маоши сезиларли даражада оширилган ҳолда 2026 йилгача янги шартнома таклиф қилган, бироқ футболчи ва унинг атрофидагилар бунга рози бўлишмаган. Леау агентлари трансфер ойнаси ёпилгандан кейин музокаралар столига ўтиришга тайёр.
Ўтган мавсумда ҳужумчи “Милан” сафида 42 та ўйинда майдонга тушиб, 14 та гол урди ва 12 та голли узатмани амалга оширди. Унинг клуб билан амалдаги шартномаси 2024 йилнинг 30 июнига қадар мўлжалланган.