"Milan" hujumchisi Rafael Leau "rossonerilar"ning shartnomani uzaytirish haqidagi birinchi taklifini rad etdi, deb xabar beradi La Stampa.
Manbaga ko‘ra, klub 23 yoshli portugaliyalik futbolchiga maoshi sezilarli darajada oshirilgan holda 2026 yilgacha yangi shartnoma taklif qilgan, biroq futbolchi va uning atrofidagilar bunga rozi bo‘lishmagan. Leau agentlari transfer oynasi yopilgandan keyin muzokaralar stoliga o‘tirishga tayyor.
O‘tgan mavsumda hujumchi “Milan” safida 42 ta o‘yinda maydonga tushib, 14 ta gol urdi va 12 ta golli uzatmani amalga oshirdi. Uning klub bilan amaldagi shartnomasi 2024 yilning 30 iyuniga qadar mo‘ljallangan.
