"Насаф" Жанубий Кореянинг "Жежу Юнайтед" футбол клуби билан Ислом Кенжабоевнинг машғулот компенсацияси масаласида келиша олмаётганди.
ФИФА бу бўйича ўз қарорини эълон қилди. Унга кўра, "Жежу Юнайтед" 45 кун ичида "Насаф" ҳисоб рақамига компенсация сифатида 65 минг доллар ўтказиб бериши керак. Йўқса клубга нисбатан трансфер тақиқи кучга киради.
Ислом Кенжабоев 2021 йилнинг январь ойида — 21 ёшида кореяликлар билан шартнома имзолаганди. Унинг Жанубий Кореядаги сафари таҳминан ярим йил давом этди.
Машғулот компенсацияси Футболчилар мақоми ва трансфери бўйича регламент асосида тартибга солинади. Бу хақида ЎзПФЛ бош директори Диёр Имомхўжаев ўз телеграм-каналида хабар берди.
