Лондоннинг “Челси” клуби Мюнхеннинг “Бавария” клуби ҳужумчиси Роберт Левандовски учун курашда таслим бўлмоқчи эмас. Бу ҳақда Bild нашри журналисти Кристиан Фалк хабар бермоқда.

Эслатиб ўтамиз, полшалик учун курашда фаворит "Барселона" ҳисобланади. Гап шундаки, Левандовскининг ўзи фақат Испанияга кўчиб ўтиш вариантини кўриб чиқмоқда. Бу ҳақда ҳужумчининг ўзи бир неча бор айтиб ўтган.

Ҳужумчи позициясида "Челси" учун муқобил вариант - "Манчестер Сити" футболчиси Габриел Жезус. Левандовски ва Жезуснинг клублари билан шартномалари тугашига атиги бир йил қолди.