Миср футбол ассоциацияси (EFA) Эҳаб Галални миллий терма жамоа бош мураббийи лавозимидан озод қилди.
“Оғир шароитларда ишлаган жуда ҳурматли инсон Эҳаб Галалга раҳмат айтмоқчиман. Мен ундан узр сўрамоқчиман, лекин баъзида босим ҳаддан ташқари кўп бўлади ва биз ҳаммаси ўзгарса яхши бўлишини англадик”, — деди EFA бошқарув кенгаши аъзоси Ҳазем Эмам.
54 ёшли Галал апрель ойида мисрликлар ЖЧ-2022 йўлланмасини қўлга кирита олмаганидан сўнг Карлуш Кейруш ўрнига келган эди. Унинг қўл остида жамоа атиги 3 та ўйин ўтказди: Гвинея устидан ғалаба, шунингдек, Эфиопия ва Кореядан мағлубият.
