"Челси" ва "Интер" ҳужумчи Ромелу Лукакунинг трансфери борасида музокаралар олиб бормоқда.
The Athletic xabariga кўра, клублар футболчининг Италияга ижара асосида қайтиши мумкинлигини муҳокама қилмоқда. Хабар қилинишича, Лукаку "кўклар" бош мураббийи Томас Тухель билан кескин муносабатларга эга ва уни тузатиш жуда қийин.
Қайд этилишича, Тухель бош мураббий бўлиб қолса, ҳужумчининг "Челси"да ўйнаши даргумон.
Лукаку ўтган мавсумда лондонликлар сафида барча турнирларда 44 ўйинда 15 та гол урди ва 2 та голли узатмани амалга оширди. 29 ёшли ҳужумчининг клуб билан шартномаси 2026 йилнинг 30 июнига қадар мўлжалланган.