Италиянинг "Фиорентина" клуби яримҳимоячиси Адем Льяич Сербия терма жамоасидан четлаштирилгани ҳақида хабар берган эдик. Ислом динида эътиқод қиладиган ушбу футболчи воқеани изоҳлаб ўтди.
"Мен ачиняпман... Мен Сербияни севаман, аммо менинг ҳурмат қилишим лозим бўлган ўз қарашларим бор. Мураббий мендан мадҳияни куйлашимни сўради, аммо мен ўз қарашларимни ҳурмат қиламан.
Агар сен ўзингни ҳурмат қилмасанг, ҳеч ким сени ҳурмат қилмайди. Аслида мен ҳамма вақт Сербия термаси учун ўйнашни истаганман..." - дея 20 ёшли Льяичнинг сўзларини келтиради Европа интернет нашрлари.
