"Ливерпуль" ҳужумчиси Садио Мане нега ҳалигача турмуш қурмаганини айтди. Апрель ойида сенегаллик 30 ёшга тўлди.
“Кўп қизлар мендан нега турмуш қурмаганимини сўрашади, лекин кечирасиз, вақтингизни беҳуда ўтказяпсиз.
Мен уйланадиган аёл ижтимоий тармоқларда бўлмайди. Мен Худони ҳурмат қиладиган ва ибодат қиладиган аёлга уйланмоқчиман”, — дея Маненинг сўзларини келтиради журналист Френк Холид Twitter’да.
Мане 2016 йилдан бери "Ливерпуль"да ўйнаб келмоқда. Ўтган мавсумда у барча мусобақаларда 51 та ўйинда майдонга тушиб, 23 та гол урди ва 5 та голли узатмани амалга оширди.
