"Брайтон" ярим ҳимоячиси Ив Биссума фаолиятини "Тоттенхэм"да давом эттиради. Лондонликлар у билан 2026 йилгача мўлжалланган шартнома имзолади, дея хабар беради клуб сайти.
Аввалроқ, футболчини сотиб олиш "шпорлар"га 29 миллион еврога тушиши ҳақида хабар берилганди.
Малилик футболчининг ўзи аллақачон "Тоттенхэм" учун тиббий кўрикдан ўтган. Биссума ёзги трансфер ойнасида ярим ҳимоячи Иван Перишич ва дарвозабон Фрейзер Форстердан кейин Антонио Контенинг учинчи хариди бўлди.
2021/22 йилги мавсумда Биссума "Брайтон" таркибида 28 та ўйинда майдонга тушиб, 2 та гол урди ва 2 та голли узатмани амалга оширди.
