"ПСЖ" "Порту" ярим ҳимоячиси Витиньяга қизиқиш билдирмоқда, дея хабар беради Foot Mercato. Ярим ҳимоячининг шартномасида товон пули 40 миллион еврони ташкил этади.
Шунингдек ярим ҳимоячига "Манчестер Юнайтед" ҳам қизиқиш билдирмоқда. Агар Френки де Йонг билан келишув муваффақиятсизликка учраса, инглиз клуби "Порту"га таклиф билан чиқиш ниятида.
22 ёшли футболчи ўтган мавсумда "Порту" сафида барча турнирларда 47 та ўйинда майдонга тушиб, 4 та гол урди ва 5 та голга ассистентлик қилди.
"Порту" 2021/22 йилги мавсумда Португалия чемпионига айланди.













