"Фиорентина" клуби ҳужумчи Лука Йович борасида "Реал" билан музокаралар олиб бормоқда. Италия клуби 24 ёшли сербиялик футболчини ижарага олмоқчи.
Журналист Фабрицио Романонинг ёзишича, "Фиорентина" Мадрид клуби ҳужумчи маошининг бир қисмини тўлашни истамоқда. Футболчининг ўзи ҳам трансферга қарши эмас.
Форварднинг Мадрид клуби билан шартномаси 2025 йилнинг 30 июнига қадар амал қилади. Transfermarkt портали Йовичнинг нархини 16 миллион еврога баҳоламоқда.
Лука ўтган мавсумда барча турнирларда 19 та ўйинда майдонга тушиб, 1 та гол урди ва 3 та голли узатмани амалга оширди.
