"Торино" ҳимоячиси Глейсон Бремер "Интер"га ўтишга жуда яқин турибди. Журналист Николо Шкиранинг хабар беришича, яқин вақт ичида “нерадзурри” раҳбарияти “Торино” вакиллари билан учрашувлар ўтказади ва у ерда клублар келишувга эришишга ҳаракат қилади.
Қайд этилишича, “Торино” Бремерни тахминан 35-40 миллион еврога сотишга тайёр. “Интер” бразилиялик футболчининг трансфери борасида келишиб олишига ишонмоқда. Футболчининг ўзи аллақачон "нерадзуррилар" билан 2027 йилгача мўлжалланган узоқ муддатли шартнома борасида келишиб олган.
Бремер Италия А сериясида ўтган мавсумнинг энг яхши ҳимоячиси деб тан олинганди. Футболчига аввалроқ ҳам "Ювентус" қизиқаётган эди.
