"Сассуоло" "Милан"га ҳужумчи Жакомо Распадорини 30 миллион евро эвазига сотиб олишни таклиф қилди. Бу ҳақда Calciomercato хабар бермоқда.
Манбага кўра, Италия чемпиони ҳужумни кучайтиришдан манфаатдор, аммо бундай суммани тўлашга тайёр эмас. Шу сабабли, “россонерилар” "Сассуоло"га нархни пасайтириш мақсадида ҳимоячиси Маттео Габбияни Распадори билан шартномага қўшишни таклиф қилишлари мумкин.
"Ювентус" ва "Вест Хэм" ҳам Распадори учун даъвогарлик қилмоқда. "Кекса синьора" агар "Атлетико" билан Альваро Мората борасида келишувга эриша олмаса, 22 ёшли италияликни олишга ҳаракат қилади.
Распадори ўтган мавсумда 38 ўйинда майдонга тушиб, 10 гол ва 6 голга ассистентлик қилган. Унинг шартномаси 2024 йилнинг ёзига қадар мўлжалланган.
