"Sassuolo" "Milan"ga hujumchi Jakomo Raspadorini 30 million yevro evaziga sotib olishni taklif qildi. Bu haqda Calciomercato xabar bermoqda.
Manbaga ko‘ra, Italiya chempioni hujumni kuchaytirishdan manfaatdor, ammo bunday summani to‘lashga tayyor emas. Shu sababli, “rossonerilar” "Sassuolo"ga narxni pasaytirish maqsadida himoyachisi Matteo Gabbiyani Raspadori bilan shartnomaga qo‘shishni taklif qilishlari mumkin.
"Yuventus" va "Vest Xem" ham Raspadori uchun da’vogarlik qilmoqda. "Keksa sinyora" agar "Atletiko" bilan Alvaro Morata borasida kelishuvga erisha olmasa, 22 yoshli italiyalikni olishga harakat qiladi.
Raspadori o‘tgan mavsumda 38 o‘yinda maydonga tushib, 10 gol va 6 golga assistentlik qilgan. Uning shartnomasi 2024 yilning yoziga qadar mo‘ljallangan.
