"Барселона" "Челси" сардори Сезар Аспиликуэтани трансфер сўровини юборишни талаб қилмоқда, деб хабар беради Daily Mail.

Бироқ, айни дамда 32 ёшли испаниялик 10 мавсум ўйнаган "Челси" билан бунга тайёр эмас.

Ўтган мавсумда Аспиликуэтанинг "кўклар" билан шартномасини автоматик равишда 12 ойга, 2023 йилнинг июнига қадар узайтириш шарти фаоллаштирилган эди.

Бу "Барселона"нинг Сезарни эркин агент сифатида қўлга киритиш ҳақидаги умидларини пучга чиқарди. Каталония клуби ҳамон футболчини ўз сафига қўшиб олишни истаяпти, лекин уни сотиб олишга пули йўқ.

Ўтган мавсумда Аспиликуэта Лондон клуби сафида 47 та ўйинда майдонга тушиб, 3 та гол урди ва 3 та голга ассистентлик қилди.