"Barselona" "Chelsi" sardori Sezar Aspilikuetani transfer so‘rovini yuborishni talab qilmoqda, deb xabar beradi Daily Mail.

Biroq, ayni damda 32 yoshli ispaniyalik 10 mavsum o‘ynagan "Chelsi" bilan bunga tayyor emas.

O‘tgan mavsumda Aspilikuetaning "ko‘klar" bilan shartnomasini avtomatik ravishda 12 oyga, 2023 yilning iyuniga qadar uzaytirish sharti faollashtirilgan edi.

Bu "Barselona"ning Sezarni erkin agent sifatida qo‘lga kiritish haqidagi umidlarini puchga chiqardi. Kataloniya klubi hamon futbolchini o‘z safiga qo‘shib olishni istayapti, lekin uni sotib olishga puli yo‘q.

O‘tgan mavsumda Aspilikueta London klubi safida 47 ta o‘yinda maydonga tushib, 3 ta gol urdi va 3 ta golga assistentlik qildi.