Оғир вазнда икки карра жаҳон чемпиони Тайсон Фьюри "Манчестер Юнайтед" ҳужумчиси Криштиану Роналдунинг якунланган АПЛ мавсумидаги ўйинини юқори баҳолади.
"Роналдудек супер юлдуз бўлса, ҳамма уни гол уришига ишонади - агар у бўлмаганида, ўтган мавсумдагидек ўзлари гол уришарди", - дея Фьюрининг сўзларини келтиради Mirror.
37 ёшли форвард жорий мавсумда “Манчестер Юнайтед” сафида 39 та ўйинда майдонга тушиб, 24 та гол урди ва 3 та голли узатмани амалга оширди. Мавсум якунига кўра клуб Премьер-лига турнир жадвалида 6-ўринни эгаллади.
