"Реал"нинг собиқ ҳужумчиси Гонсало Игуаин Мадрид клубидаги кунларини эслади.

34 ёшли аргентиналик футболчи "қаймоқранглилар" сафига 2007 йилда "Ривер Плейт"дан келиб қўшилганди.

“Роберто Карлос билан танишганимда мен 19 ёшда эдим ва у мени камтарлик билан кутиб олди. У Роналду, Бекхэм, Рауль, Ван Нистелрой, Касильяс, Каннаваро билан бирга биз ёшларга меҳр ва ақл бовар қилмайдиган камтарлик билан муносабатда бўлди. Бу номларни давом эттиришим мумкин. Мен кимлар билан бирга ўйнаганимни эсласам йиғлагим келади", - дея Игуаиннинг сўзларини келтиради Маrcа.

Форвард 2007 йилдан 2013 йилгача "Реал"да ўйнаган. Игуаин Мадрид клуби сафида 264 та ўйин ўтказиб, 121 та гол урган.