"Real"ning sobiq hujumchisi Gonsalo Iguain Madrid klubidagi kunlarini esladi.
34 yoshli argentinalik futbolchi "qaymoqranglilar" safiga 2007 yilda "River Pleyt"dan kelib qo‘shilgandi.
“Roberto Karlos bilan tanishganimda men 19 yoshda edim va u meni kamtarlik bilan kutib oldi. U Ronaldu, Bekxem, Raul, Van Nistelroy, Kasilyas, Kannavaro bilan birga biz yoshlarga mehr va aql bovar qilmaydigan kamtarlik bilan munosabatda bo‘ldi. Bu nomlarni davom ettirishim mumkin. Men kimlar bilan birga o‘ynaganimni eslasam yig‘lagim keladi", - deya Iguainning so‘zlarini keltiradi Marca.
Forvard 2007 yildan 2013 yilgacha "Real"da o‘ynagan. Iguain Madrid klubi safida 264 ta o‘yin o‘tkazib, 121 ta gol urgan.