"Буқалар" томонидан 25 миллион еврога баҳоланган ярим ҳимоячи Конрад Лаймерга жаҳон футболи гигантлари қизиқиш билдирмоқда.

Журналист Руди Галеттининг хабар беришича, футболчига Германиянинг “Бавария” ва Англиянинг “Манчестер Юнайтед” клублари қизиқиш билдирмоқда. Инсайдернинг ёзишича, манкунианликлар шартномаси 2023 йилнинг ёзида якунига етадиган ярим ҳимоячи учун курашда фаворит ҳисобланади. Айнан футболчининг шартномаси келаси йили якунига етгани учун "қизил иблислар" 25 ёшли австриялик футболчини қўлга киритиш учун бор кучларини сарфлайди.

Лаймер ўтган мавсумда "РБ Лейпциг" сафида 41 ўйин ўтказиб, 5 гол ва 6 голга ассистентлик қилган.