Ўзбекистон миллий терма жамоаси ва Махачқалъанинг "Анжи" клуби яримҳимоячиси Одил Аҳмедовга қизиқаётган жамоалар сафига Киевнинг "Динамо"си ҳам қўшилди. Бу ҳақда "Динамо Киев от Шурика" сайти "ESPNstar" нашри тарқатган маълумотга таяниб хабар бермоқда.
Манбада кўрсатилишича, ушбу трансфер мавсуми пайтида Аҳмедов аниқ жамоани тарк этар экан.
Футболчини сотиб олиш учун энг асосий даъвогар Лондоннинг "Арсенал" клуби бўлиб қолмоқда. Бироқ бу борада яна бир қатор клублар номлари ҳам тилга олинмоқда. "Малага", "Монако" каби жамоалар ҳм унга қизиқиш билдирмоқда, деб ёзади, "dynamo.kiev.ua" интернет нашри.
Эслатиб ўтамиз, Одил Аҳмедовнинг ўзи ҳам ўз кучини Англия ва Испания клубларида синаб кўришни хоҳлашини таъкидлаб ўтган.