Португалиялик ярим ҳимоячи Рубен Невеш "Манчестер Юнайтед" футболчисига айланиши мумкин.
Инсайдер Фабрицио Романонинг хабар беришича, “қизил иблислар” “Вулверхэмптон” футболчисини “Барселона”нинг нидерландиялик футболчиси Френки де Йонгга муқобил вариант сифатида кўриб чиқмоқда.
Невешнинг трансфери "манкунианликлар"га де Йонгнинг трансферидан деярли икки баробар арзонга тушиши мумкин. Рубеннинг нархи 40 миллион еврога баҳоланмоқда, "Барселона" эса де Йонгни 85 миллион сотмоқчи.
Португалиялик футболчи 2017 йилнинг ёзидан буён "бўрилар" шарафини ҳимоя қилиб келмоқда. Унинг амалдаги шартномаси 2023/2024 йилги мавсум охиригача амал қилади.