“Манчестер Юнайтед” ва “Атлетико” клубларида тўп сурган колумбиялик 36 ёшли ҳужумчи Радамел Фалькао фаолиятини Мексика чемпионатида давом эттириши мумкин. Маҳаллий ОАВ хабарига кўра, футболчининг агентлари "Толука" клубига ўтиш бўйича музокаралар олиб бормоқда.
Айни дамда Радамел Испаниянинг “Райо Вальекано” клуби футболчиси ҳисобланади. Ҳужумчи ўтган мавсумда Ла Лиганинг 22та ўйинида майдонга тушиб, 6та гол урган.
Фалькаонинг испан клуби билан амалдаги шартномаси келаси йилнинг ўрталарига қадар амал қилади. Унинг трансфер нархи икки миллион еврога баҳоланмоқда.