"Бавария" ҳужумчиси Роберт Левандовски "ПСЖ" қизиқишлари доирасида. RMC Sport хабарига кўра, француз клуби 33 ёшли польякга шартнома таклиф қилишга тайёр.
Бироқ ҳужумчига асосий давогар ҳамон "Барселона" бўлиб турибди. Манбага кўра, Каталония клуби Роберт учун "Бавария"га 50 миллион евро таклиф қилади.
Олдинроқ Левандовски Мюнхендан клубни тарк этиш истаги борлигини очиқчасига эълон қилган, бу эса раҳбарият ва бази жамоадошлар билан келишмовчиликка олиб келганди.
Ўтган мавсумда Левандовски "Бавария" сафида барча мусобақаларда 47 ўйинда 50 та гол урди ва 7 та голли узатмани амалга оширди. Ҳужумчининг Мюнхен клуби билан шартномаси 2023 йилнинг 30 июнига қадар мўлжалланган.
