“Ливерпуль” ҳужумчиси Садио Мане яқин орада расман “Бавария” билан шартнома имзолайди. Журналист Фабрицио Романонинг сўзларига кўра, томонлар келишувнинг барча шартларини келишиб олган.

Битим суммаси бонусларни ҳисобга олмаганда 32 миллион еврони ташкил қилади. "Қизиллар" учун мумкин бўлган максимал даромад 41 миллион.

21 июнь, сешанба куни футболчи Мюнхенда тиббий кўрикдан ўтади. Маненинг "Бавария"нинг янги футболчиси сифатидаги расмий тақдимоти кейинги кунга режалаштирилган.

2021/22 йилги мавсумда ҳужумчи жамоаси сафида 51 та ўйинда майдонга тушиб, 23 та гол урди ва 5 та голли узатмани амалга оширди.