"Барселона" "Лидс" ҳужумчиси Рафиньяни қўлга киритиш борасида музокаралар олиб бормоқда. Журналист Фабрицио Романонинг хабар беришича, испан клуби аллақачон футболчи билан шахсий шартнома шартларини келишиб олган.
Бироқ каталонияликлар 65-75 миллион еврога баҳоланаётган трансфер суммаси борасида ҳозирча ингилиз клуби билан келиша олмаяпти.
25 ёшли бразилиялик учун иккинчи даъвогар "Арсенал" бўлиб турибди. Улар март ойидан буён футболчи билан музокаралар олиб бормоқда.
Шунингдек, "Тоттенхэм" ва "Челси" ҳам қанот ҳужумчиси учун курашда бор.
2021/22 йилги мавсумда Рафинья “Лидс” сафида 36 та ўйинда майдонга тушиб, 11 та гол урди ва 3 та голли узатмани амалга оширди.
