"Barselona" "Lids" hujumchisi Rafinyani qo‘lga kiritish borasida muzokaralar olib bormoqda. Jurnalist Fabrisio Romanoning xabar berishicha, ispan klubi allaqachon futbolchi bilan shaxsiy shartnoma shartlarini kelishib olgan.
Biroq kataloniyaliklar 65-75 million yevroga baholanayotgan transfer summasi borasida hozircha ingiliz klubi bilan kelisha olmayapti.
25 yoshli braziliyalik uchun ikkinchi da’vogar "Arsenal" bo‘lib turibdi. Ular mart oyidan buyon futbolchi bilan muzokaralar olib bormoqda.
Shuningdek, "Tottenxem" va "Chelsi" ham qanot hujumchisi uchun kurashda bor.
2021/22 yilgi mavsumda Rafinya “Lids” safida 36 ta o‘yinda maydonga tushib, 11 ta gol urdi va 3 ta golli uzatmani amalga oshirdi.
