Америкалик бизнесмен Жон Текстор "Лион" эгасига айланиши мумкин.

Франция клуби ўзининг расмий сайтида акцияларнинг назорат пакетини Eagle Football Holdings'га сотиш бўйича музокаралар бошланганини эълон қилди. Холдинг “Лион” акцияларининг 66,56 фоизини сотиб олишни режалаштирмоқда, келажакда бу улуш 88,55 фоизгача ошиши мумкин.

Текстор Eagle Football Holdings эгасидир. У "Кристал Пэлас"нинг 40 фоизга яқин акцияларига, Бразилиянинг “Ботафого” клубининг 90 фоиз ва Белгиянинг "Моленбек" клубининг 80 фоиз акцияларига эгалик қилади.

“Лион” етти карра Франция чемпиони ва беш карра Франция кубоги соҳиби. Жамоа шунингдек, 8 марта Франция Суперкубогини қўлга киритган ва 1 марта Франция Лига кубогида зафар қучган.