"Бенфика" ҳужумчиси Эвертон "Фламенго"га кўчиб ўтди, деб хабар беради Бразилия клуби расмий сайти.
26 ёшли футболчи билан шартнома 2026 йил охиригача тузилган.
Эвертон «Бенфика» таркибида 2020 йилнинг августидан буён ўйнаб келаётган эди. 2021/22 йилги мавсумда ҳужумчи Португалия жамоаси сафида 46 та ўйинда майдонга тушиб, 7 та гол урди ва 7 та голли узатмани амалга оширди.
Transfermarkt.com хабарига кўра, Эвертонни сотиб олиш "Фламенго"га 13,5 миллион еврога тушган.