“Интер" ҳимоячиси Алессандро Бастонининг агенти Туллио Тинти ҳимоячи "Неррадзуррилар" сафини тарк этмаслигини айтди.
“Бастони ҳозир таътилда. У 100 фоиз "Интер"да қолади. Биз клуб билан тузилган шартномани ҳурмат қиламиз ва унинг узайтирилишини муҳокама қилишдан хурсанд бўламиз", - дея Тинти сўзларидан иқтибос келтирмоқда FCInterNews.it.
Олдинроқ ҳимоячига "Тоттенхэм"дан қизиқиш борлиги ҳақида хабарлар тарқалган эди.
2021/22 йилги мавсумда Бастони "Интер" сафида 44 ўйинда 1 та гол урди ва 3 та голга ассистентлик қилди. Transfermarkt.com портали 23 ёшли италиялик футболчини 60 миллион еврога баҳоламоқда.
