"Челси"нинг собиқ спорт директори Марина Грановская техник директор Петр Чех билан биргаликда ҳужумчи Ромелу Лукакунинг "Интер"га кетишига қарши чиқди.
Журналист Метт Лоу берган маълумотга кўра, клуб бош мураббийи Томас Тухель раҳбариятнинг хоҳиш-истакларини эътиборсиз қолдириб, Тодд Бейлидан ҳужумчини қўйиб юборишни сўраган.
Бу Томас Тухелнинг янги хўжайинлар қўл остидаги роли аввалгидан кўра катталашганини таъкидлайди. Энди немис мураббийи нафақат жамоанинг ўйини, балки клубнинг селекция сиёсати учун ҳам жавобгар.
Эслатиб ўтамиз, Лукакунинг ижараси "Интер"га 8 миллион еврога тушади.