"Манчестер Сити" футболчиси Раҳим Стерлинг бир шарт билан жамоада қолиши мумкин. Журналист Саймон Байковскининг сўзларига кўра, англиялик футболчи келажагини шу ёзда узоқ муддатли асосда ҳал қилмоқчи.
Агар "Манчестер Сити" унга ўйнаш вақтини кафолатлаб, узоқ муддатли шартнома таклиф қилса, Стерлинг "Этиҳад"да қолишга қарор қилиши мумкин. Аммо юқори рақобатни ҳисобга олсак, бош мураббий Хосеп Гвардиола англиялик футболчига барқарор ўйин амалиётини тақдим эта олмайди.
Стерлинг учун яна бир вариант - Лондоннинг "Челси" клуби, у ерда бош мураббий Томас Тухель уни жамоада кўрмоқчи. Трансфер суммаси 50 миллион евро атрофида баҳоланмоқда.