Украина терма жамоасининг 25 ёшли ҳужумчиси Артём Довбик Англия Премьер-лигасида қайтган “Ноттингем Форест” клубига ўтиши мумкин.
Nottingham Forest News порталининг хабар беришича, клубнинг қизиқиши футболчининг агенти томонидан аллақачон тасдиқланган.
Украиналик вакили инглиз клуби билан футболчининг эҳтимолий трансфери борасида музокараларни бошлади.
Манба, шунингдек, “Ноттингем” устози ЖЧ-2022 саралаши плей-оффида Довбик 13 дақиқа ўйнаган Уэльс – Украина (1:0) ўйинига скаутларни юборганини таъкидлайди.
Британияликлар ҳужумчи учун 12 миллион евро таклиф қилишлари кутилмоқда.
Ўтган мавсумда 24 ёшли Довбик “Днепр-1” сафида барча мусобақаларда 18 та ўйинда майдонга тушиб, 14 та гол урди ва 5 та голли узатмани амалга оширди. Унинг клуб билан шартномаси 2024 йилнинг 31 декабригача амал қилади.
