"Ювентус" "ПСЖ" қанот ҳужумчиси Анхель Ди Марияни ўз сафига қўшиб олишдан бош тортди. Бу ҳақда La Gazette Dello Sport хабар бермоқда.
Қайд этилишича, Турин клуби футболчидан жавоб кутишдан чарчаган, Анхель эса ўз навбатида “Барселона”нинг қарорини кутмоқда.
Аргентиналик футболчининг "ПСЖ" билан шартномаси 30 июнда тугайди ва у фаолиятини “Барса”да эркин агент сифатида давом эттирмоқчи.
Олдинроқ "Юве" 34 ёшли футболчи билан "1+1" схемаси бўйича шартнома тузишга тайёр экани хабар қилинганди.