Дания терма жамоаси ярим ҳимоячиси Кристиан Эриксен икки вариантини кўриб чиқмоқда. Бу ҳақда Sky Sports журналистларига маълум бўлди.
Британиялик манбанинг хабарига кўра, даниялик ярим ҳимоячи ўтган мавсумда ўйнаган "Брентфорд" билан шартномасини узайтириш ёки "Манчестер Юнайтед"га ўтиш ҳақида ўйламоқда. Шу билан бирга, “қизил иблислар” футболчига “арилар”дан кўра қулайроқ шарт-шароитларни таклиф қилишга тайёр.
Эслатиб ўтамиз, 30 ёшли ярим ҳимоячи қишки трансфер ойнасида Туманли Албионга кўчиб ўтганди. У АПЛда 11 та ўйинда майдонга тушиб, 1 та гол урди ва 4 та голли узатмани амалга оширди.
