“Атлетико” ва “Барселона” клубларининг собиқ ҳужумчиси Луис Суарес фаолиятини Амстердамнинг “Аякс” клубида давом эттириши мумкин, дея хабар бермоқда журналист Экрем Конур ўзининг ижтимоий тармоқларида.

Манба берган хабарга кўра, Нидерландия клуби раҳбарияти Суаресга Себастьян Аллер Дортмунднинг "Боруссия"сига 35 миллион еврога сотилганидан кейин қизиқиб қолган. Эслатиб ўтамиз, аввалроқ уругвайлик ҳужумчи 2007 йилдан 2011 йилгача бўлган даврда "Аякс" сафини ҳимоя қилган эди.

35 ёшли ҳужумчи ўтган мавсумда "Атлетико" сафида 45 та ўйинда майдонга тушиб, 13 та гол урган ва 3 та голга ассистентлик қилган.