"Манчестер Сити" матбуот хизмати ижтимоий тармоқлардаги саҳифаларида клуб ўз жамоаси тарбияланувчиси Лука Мбете билан шартномани узайтиргани ҳақида хабар берди.
18 ёшли ҳимоячи билан янги шартнома 2027 йилнинг ёзига қадар мўлжалланган.
Мбете "Ман Сити"га 2016 йилда "Брентфорд"дан келиб қўшилган эди.
2021 йил 21 сентябрда Мбете “Манчестер Сити” сафида "Уикомб Уондерерс"га қарши Англия кубоги ўйинида дебют қилди.
2022 йилнинг 9 мартида у Чемпионлар лигасида дебютини ўтказди ва “Спортинг”га қарши 1/8 финал учрашувида Аймерик Лапортнинг ўрнига майдонга тушди.
