"Ливерпуль" бош мураббийи Юрген Клопп Тимо Вернерни жамоасини кучайтириш учун муносиб номзод сифатида кўрмоқда.
Немис ҳужумчиси "Челси"да ўзининг энг яхши фазилатларини кўрсата олмади, шунинг учун миш-мишлар уни бошқа жамоага ўтиши мумкинлиги билан боғлашмоқда.
Football Insider хабарига кўра, мерсисайдликлар 26 ёшли германиялик ҳужумчини эҳтимолий трансфер мақсадларидан бири деб билишади, бироқ ҳозирча музокаралар олиб борилмаяпти.
Тимо Вернер сўнгги мавсумда “Челси” сафида 37 та ўйинда майдонга тушиб, 11 та гол ва 6 та голли узатмага муаллифлик қилган.
