Гарет Бэйл фаолиятини "Лос-Анжелес"да давом эттиришини маълум қилди.
32 ёшли уэльслик футболчи ўзининг Twitter саҳифасида Америка клуби мухлисларини табриклаган видеосини жойлаштирди.
"Тез орада "Лос-Анжелес"да кўришгунча", - деб ёзган Бэйл постга.
Аввалроқ, ҳужумчи клуб билан яна 18 ойга узайтириш имконияти билан 2023 йилнинг июнь ойи охиригача шартнома имзолаши ҳақида хабар берилганди.
2021/22 йилги мавсумда ҳужумчи "Реал Мадрид" сафида 7 та ўйинда 1 та гол урди.