Мадриднинг «Реал» клуби Хаби Алонсонинг ўрнига Зинедин Зиданни тайинлаш имкониятини кўриб чиққан эди. «Қироллик клуби» раҳбарияти ўтган йилнинг декабрь ойида, Алонсонинг тез орада истеъфога чиқиши ҳақидаги хабарлар тарқалган пайтда, француз мутахассиси билан бевосита боғланган.

Маълум бўлишича, «қаймоқранглилар» кеч қолишган: Зидан таклифга рад жавобини беришга мажбур бўлган, чунки у аллақачон Франция футбол федерациясига ваъда бериб қўйган эди. Ёзда у Франция терма жамоаси тепасида Дидье Дешамнинг ўрнини эгаллаши керак.

Эслатиб ўтамиз, Хаби Алонсо январь ойи ўрталарида «Реал»дан бўшатилган эди, унинг ўрнини эса Альваро Арбелоа эгаллаган. Жорий мавсум якунланганидан кейин жамоада яна бош мураббий алмашиши кутилмоқда.