Мадриднинг «Реал» клуби собиқ бош мураббийи Хаби Алонсо «Челси»ни бошқариши мумкин. Журналист Экрем Конурнинг хабар беришича, «кўклар» раҳбарияти эҳтимолий ҳамкорликни муҳокама қилиш учун испаниялик мутахассис билан аллақачон боғланган.

44 ёшли мураббий ўз олдига аниқ шарт қўйди: у худди Леверкузеннинг «Байер» клубидаги фаолияти даврида бўлгани каби, спортга оид масалаларда кўпроқ назоратга эга бўлишни истайди. Хаби Алонсо Лиам Росеньор билан хайрлашганидан сўнг «Челси» кўриб чиқаётган ягона номзод эмас.

Эслатиб ўтамиз, «Ливерпуль»нинг собиқ ярим ҳимоячиси январь ойидан бери ишсиз юрибди — у «Реал» бошқарувига келганидан атиги ярим йил ўтиб, истеъфога чиқарилган эди.