«Реал» ҳужумчиси Гонсало Гарсия фаолиятини Италияда давом эттириши мумкин. Sky Sports нашрининг хабарига кўра, «Ювентус» форвардни ўз сафига қўшиб олишга қизиқиш билдирмоқда. Турин клуби футболчининг трансфери учун 25 миллиондан 30 миллион еврогача тўлашга тайёр.
«Қаймоқранглилар» ўз ўйинчисини сотишга қарши эмас, бироқ келишувга уни қайта сотиб олиш ҳуқуқини берувчи бандни киритмоқчи. Гонсало Гарсия «Реал» академияси тарбияланувчиси ҳисобланади. Унинг мадридликлар билан амалдаги шартномаси 2030 йилнинг 30 июнига қадар мўлжалланган.
Жорий мавсумда ҳужумчи «Реал» таркибида барча мусобақаларда 34 та ўйинда майдонга тушиб, 6 та гол урди ва 2 та голли узатмани амалга оширди. Transfermarkt портали Гарсиянинг нархини 30 миллион еврога баҳоламоқда.
